EVRÓPSKUR BANKARÉTTUR

EVRÓPSKUR BANKARÉTTUR

OG ÁHRIF HANS Á ÍSLENSKAN RÉTT


Evrópskur bankaréttur

Fyrir tilstilli EES-samningsins hefur íslensk löggjöf um starfsemi lánastofnana á borð við banka og sparisjóði verið samofin Evrópurétti í tæpan aldarfjórðung. Á þessu tímabili hefur evrópskur bankaréttur tekið miklum breytingum, en þetta á ekki síst við í kjölfar hinnar alþjóðlegu fjármálakreppu sem gerði fyrst vart við sig árið 2007 og komst í hámæli haustið 2008.

Ritið kortleggur reglur Evrópusambandsins á þessu sviði, rekur sögulega þróun réttarsviðsins og skýrir jafnframt áhrif þeirra á íslenskan rétt á grundvelli EES-samningsins. Áhersla er lögð á að útskýra samspil evrópsks bankaréttar og almennra reglna Evrópuréttarins, einkum um fjórfrelsið. Þá er gerð grein fyrir bankastarfsemi í sögulegu og hagfræðilegu samhengi. Loks er einnig fjallað um megindrætti fjármálaeftirlits og framkvæmd þess á Íslandi.

Bókin fer í sölu hjá Bóksölu stúdenta innan skamms. Forsölu er lokið og verið er að senda forseld eintök til kaupenda.

Arnaldur Hjartarson

Um höfundinn

Arnaldur Hjartarson er aðjúnkt við lagadeild Háskóla Íslands og aðstoðarmaður dómara við EFTA-dómstólinn. Hann er með LL.M. gráðu frá Yale háskóla, en þaðan útskrifaðist hann með hæstu mögulegu einkunn. Áður lauk hann laganámi við Háskóla Íslands. Hann hefur meðal annars starfað sem sérfræðingur við Lagastofnun Háskóla Íslands, aðstoðarmaður dómara við Hæstarétt Íslands og verið settur dómari við Héraðsdóm Reykjavíkur.

Kennslugreinar hans hafa einkum verið: Evrópuréttur, evrópskur bankaréttur, félagaréttur, fjármálamarkaðir, alþjóðlegur einkamálaréttur, kröfuréttur og réttarhagfræði.

Nánari upplýsingar

Bókin er tæpar 250 bls. að lengd, prentuð á hágæða bókapappír og gefin út í harðspjaldi.

Ritið nýtist lögfræðingum og öðrum sem fást við bankarétt, einkum þeim sem starfa í fjármálafyrirtækjum, við fjármálaeftirlit eða við aðra stjórnsýslu tengda lánastofnunum.

Evrópskur bankaréttur